Բենիամին Սավշեկ
| Բենիամին Սավշեկ | |
|---|---|
_(cropped).jpg) | |
| Անձնական տեղեկություն | |
| Սեռ՝ | արական |
| Մասնագիտացում՝ | կանոեի թիավար |
| Երկիր՝ |  Սլովենիա |
| Ծննդյան ամսաթիվ՝ | մարտի 24, 1987[1] (37 տարեկան) |
| Ծննդավայր՝ | Լյուբլյանա, Սլովենիայի Սոցիալիստական Հանրապետություն, ՀՍՖՀ[1] |
| Հասակ՝ | 177 սանտիմետր |
| Քաշ՝ | 74 կիլոգրամ[2] |
Բենիամին Սավշեկ (սլովեն.՝ Benjamin Savšek, մարտի 24, 1987[1], Լյուբլյանա, Սլովենիայի Սոցիալիստական Հանրապետություն, ՀՍՖՀ[1]), սլովենացի կանոեիստ (սլալոմ), Տոկիոյում կայացած 2020 թվականի Օլիմպիական խաղերի չեմպիոն, աշխարհի առաջնությունների բազմակի մեդալակիր, Եվրոպայի առաջնությունների մեդալակիր[3]։ Միջազգային մակարդակում սկսել է հանդես գալ 2002 թվականին[4]։
Սպորտային կենսագրություն
[խմբագրել | խմբագրել կոդը]Սավշեկի թիավարությամբ զբաղվել սկսել է Սավա գետի վրա 1996 թվականին։ 2002 թվականից Բենիամինը սկսել է հանդես գալ պատանիների աշխարհի առաջնություններում։ Աշխարհի մեծահասակների առաջնություններում սլովենացի մարզիկը սկսել է հանդես գալ 2009 թվականից, սակայն երկար ժամանակ մեդալ նվաճել չի հաջողվել։ Սավշեկի համար լավագույն արդյունքները դարձել են 4-րդ և 5-րդ տեղեր թիմային հաշվարկում, որոնք նա զբաղեցրել է 2009 և 2010 թվականների առաջնություններում։ 2009 թվականի աշխարհի առաջնության արդյունքներով Սավշեկն զբաղեցրել է բարձր 2-րդ տեղը, հաջորդ անգամ սլովենացին այդ նվաճումը կրկնել է միայն 2015 թվականի արդյունքներով։ 2012 թվականի գարնանը Բենիամինը նվաճել է Եվրոպայի առաջնությունների իր առաջին մեդալը՝ դառնալով երրորդը անհատական առաջնությունում։
Լոնդոնի Ամառային օլիմպիական խաղերում Սավշեկը հանդես է եկել միայնակ կանոեիստների մրցումներում։ Նախնական փուլի առաջին փորձից հետո Բենիամինը, որն անցել է առանց սխալների, գրավել է առաջատարի դիրքը։ Երկրորդ փորձի ժամանակ Սավշեկը անհաջող է հանդես եկել և երկու փորձերի լավագույն արդյունքով գրավել է երկրորդ տեղը։ Կիսաեզրափակիչ փուլը բաղկացած էր մեկ փորձից։ Մրցատարածությունում Սավշեկը ցույց է տվել մրցատարածությունն անցնելու երկրորդ ժամանակը, ինչը տուգանային միավորների բացակայության դեպքում նրան թույլ է տվել երկրորդ տեղով դուրս գալ վճռորոշ փուլ։ Սակայն մմրցումների եզրափակիչը սլովենացին անհաջողությամբ է ավարտել։ Մրցատարածությունն անցնելու ժամանակ Սավշեկը բաց է թողել երկու դարպաս և վաստակել է 108 միավոր տուգանք, ինչի արդյունքում հետ է մղվել վերջին 8-րդ տեղը։
2013 թվականի աշխարհի առաջնությունում Սավշեկը նվաճել է աշխարհի առաջնությունների առաջին մեդալը, որը դարձել է նրա երրորդ մեդալն անձնական հաշվարկում։ Մեկ տարի անց աշխարհի առաջնությունում Բենիամինը կարողացել է բարելավել իր ցուցանիշները՝ դառնալով արծաթե մեդալակիր անհատական մրցաշարում և բրոնզե մեդալակիր թիմային մրցաշարում։ Այդ նույն արդյունքը սլովենացին կրկնել է նաև 2015 թվականի աշխարհի առաջնությունում։
2012 թվականի Ամառային օլիմպիական խաղերում Սավշեկը մասնակցել է Ս-1 կարգի մրցումներին, որտեղ գրավել է 8-րդ տեղը[5]։ Չորս տարի անց՝ 2016 թվականին Ռիո դե Ժանեյրոյում կայացած Ամառային օլիմպիական խաղերում նա զբաղեցրել է 6-րդ տեղը նույն մրցաշարում։ Տոկիոյում 2020 թվականի Ամառային օլիմպիական խաղերում ավելի է բարելավել իր արդյունքները Ս-1 կատեգորիայում՝ նվաճելով ոսկե մեդալ[6]։
Մրցանակներ
[խմբագրել | խմբագրել կոդը]- Տարվա մարզիկ Լյուբլյանայում (2013, 2014)
Անձնական կյանք
[խմբագրել | խմբագրել կոդը]- Ամուսնացած է, ունի դուստր՝ Անայան (2011) և որդի՝ Առնեյը (2015)։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Olympedia — 2006.
- ↑ https://www.olympedia.org/athletes/125768
- ↑ «Benjamin SAVSEK (SLO)». CanoeSlalom.net. Վերցված է 2017 թ․ սեպտեմբերի 30-ին.
- ↑ «Benjamin Savsek». london2012.com. London Organising Committee of the Olympic Games and Paralympic Games. Արխիվացված է օրիգինալից 2012 թ․ օգոստոսի 1-ին. Վերցված է 2012 թ․ հուլիսի 31-ին.
- ↑ https://web.archive.org/web/20200418085113/https://www.sports-reference.com/olympics/athletes/sa/benjamin-savsek-1.html. Արխիվացված է օրիգինալից 2020 թ․ ապրիլի 18-ին. Վերցված է 2017 թ․ սեպտեմբերի 30-ին.
{{cite web}}: Missing or empty|title=(օգնություն) - ↑ «Results (Tokyo)» (PDF). Olympics (ճապոներեն). Արխիվացված է օրիգինալից (PDF) 2021 թ․ հուլիսի 26-ին. Վերցված է 2020 թ․ հուլիսի 26-ին.
Արտաքին հղումներ
[խմբագրել | խմբագրել կոդը]- Բենյամին Սավշեկի էջը ICF կայքում (անգլ.)
 | Վիքիպահեստն ունի նյութեր, որոնք վերաբերում են «Բենիամին Սավշեկ» հոդվածին։ |
|
